Ný síða komin á laggirnar:

http://amigosarnir.blogspot.com/

 

Spurning hvort fólkið hérna vill halda áfram með þessa eða nota þessa nýju síðu hjá blogspot.

hvað segiði? 

Fyrirsögnin er til þeirra gosa sem glöddust með mér á laugardagskvöldið. Ég held að þeir hafi verið tveir og hvor öðrum skemmtilegri.

 Kveðja,

 Blábuxi.

 E.S. Ég vona, Stína, að þú hafir ekki vaknað á sunnudeginum og bölvað mér þegar þú komst að því að þú meiddist aðeins við byltuna, fyrirgefðu mér aftur.

Kæru meðliminir AMIGOS

Nú er staðan orðin þannig að ég get ekki lengur setið á orðum mínum. Það eru því miður nokkrir meðlimir sem að eru alls ekki að standa sig í blogginu.

Þá er ég ekki að tala um að fólk þurfi að koma með 2 bls langar færslur á hverjum degi, heldur að það fólk getur hent inn nokkrum línum í kommentum og færslu svona allavegana einu sinni í mánuði.

Það eru því miður bara nokkrir sem að geta skráð sig sem notendur og fá þannig aðgang að því að skrifa færslur. Sá aðgangur er orðinn fullur núna og því geta sumir (t.d ÉG) ekki fengið aðgang. Ég þarf alltaf að skrifa undir nafni MARIÖNNU (takk kærlega fyrir að treysta mér fyrir lykilorðinu þínu).

Það er þvi kominn tími á vortiltekt hérna á síðunni og gef ég þér lesandi góður sem ert hluti af Amigos 1-2 vikur að koma sterk/ur aftur inn. Annars verður þér hent út svo að aðrir og duglegri notendur geti látið ljós sitt skína.

Ef einhver er mótfallinn þessu þá verður sá hinn sami að eiga það við mig......örugglega ekki margir sem að þora því. Til að forðast öll leiðindi þá er bara að dusta af fingrasetningunni og galdra fram eitthvað skemmtilegt efni.

Með fyrirfram þökk
f.h þeirra sem hafa fengið sitt fullsadda
Eva Margrét Kristinsdóttir aka marianna (en breytist vonandi bráðum)

p.s ef að þér fannst þetta leiðinleg færsla þá þykir mér það leitt
p.p.s það er um að gera að láta þetta berast svo að einhverjum verði ekki hent út án sinnar vitneskju

Hvernig væri að skella sér á laugardaginn. Ég og Þossi ætlum a.m.k. að skella okkur. Ég heyrði e-n orðróm um að efnafræðin væri með í þessu og jafnvel einhverjir fleiri.

 

 

(ég leiðrétti þetta bara sjálf...no hard feelings 

Ég vona að allir hafi tekið miðvikudagskvöldið í þessari viku frá því að kemur í sjónvarpið maður með tjásulegt sítt hár en er þrátt fyrir það (vegna þess?) með eindæmum sniðugur. Hann heitir Torfi Stefán og er orðinn pabbi.

 Svo komst ég að því í gær að ég hafði um árabil þekkt Leonardo di Caprio án þess að vita af því. Merkilegt.

Ef ég á að kaupa e-ð fyrir einhvern í fríhöfninni eða úti þá tek ég við pöntunum milli 5 og 7 í kvöld.

Ekki gera neitt sem ég myndi gera á meðan ég er í burtu (það endar oftast illa).

Kv. Brynjar 

Á morgun er ansi spennandi leikur í meistardeildinni í fótbolta þegar Barcelona tekur á móti Liverpool á Nou Camp. Mér leiðist alveg hrikalega að horfa á svona stórleiki ein svo ég vil bjóða þeim sem hafa áhuga heim til mín. Leikurinn byrjar korter í átta, en öllum er velkomið að koma fyrr eða seinna. Gaman að brjóta upp leiðinlega skólaviku með smá amigoshitting og skemmtilegan bolta.

kveðja, stína.

Bryjun janúar var tekin mynd af mér við nýju gatnamótin á Hringbraut. Fyrst hélt ég að það var eitthvað bilað hjá þeim því það var blindandi sól og tækið blikkaði stanslaust þegar bílarnir keyrðu yfir. Í dag fékk ég bréf og þar stóð að ég var mæld á 69 km hraða, strax er dregið frá 3 km svo þá eru eftir 66 km. Ætla þau virkilega að sekta mig og skrá fyrstu punktana mína fyrir að vera 6 km yfir hámarkshraða? er þetta er algjört peningaplott hjá þeim? ég er svo pirruð ...

Partý hjá Óla á laugardaginn - allir að mæta !!!!

Heill ykkur tvítugum og tveim árum betur (og fimm dögum).

Elsku krúttin mín

Er einhvern farinn að hlakka til 21.desember, ég er allavegana að deyja. Þar sem að ég átti afmæli 1.desember sl þá langar mig til þess að halda upp á það með ykkur. Eftir að hafa fengið margar áskoranir um að halda aftur "legendary" þá hef ég ákveðið að gera mitt besta.

Þar sem í ár er 2006 sem gerir það að verkum að við sem erum fædd á því herrans ári 1985 verðum 21.árs!!!! Það þýðir að í ár er ekki stórafmæli. Móðir mín vill því miður ekki samþykja að halda svona stór partý rétt fyrir hátíðirnar nema á 5 ára fresti. jæja jæja jæja skil ekkert í henni en svona er það víst.

Því ákvað ég að snúa mér að næsta fjölskyldumeðlim og hann rétti auðvitað fram sína hjálparhönd með glöðu geði

Það hefur því verið ákveðið að halda fyrirpartý/afmæli  fyrir jólaballið á Brávallagötu 26 (sem er víst lögheimilið mitt) 21.desember.

Vona að þið komist öll

knús knús

EVA MARGRÉT

jæja, það er þá komið að þessu aftur....

28.nóvember þriðjudagur: Kennslufræði II (Andri)
29.nóvember miðvikudagur:
30.nóvember fimmtudagur:

1. desember föstudagur: Eva Margrét 21 árs!!!
2. desember laugardagur: Þjálffræði (Andri)
3. desember sunnudagur:
4. desember mánudagur: Algebra og hnitarúmfræði - aukapróf (Kári) Stærðfræðigreining - hlutapróf (Stína)
5. desember þriðjudagur: Leikfimi og fimleikar (Andri)
6. desember miðvikudagur:Lokaverkefni - Frágangur, skráning og varðveisla skjalasafna (Hemmi)
7. desember fimmtudagur: Evrópuréttur (Eva Margrét)
8. desember föstudagur: Verkefnaskil (Andri)
9. desember laugardagur:
10. desember sunnudagur:
11. desember mánudagur: Lífeðlisfræði (Anna María), Íslensk hljóðfræði og hljóðkerfisfræði (Kári), Stærðfræðigreining (Stína)
12. desember þriðjudagur: Efnisfræði (Brynjar)
13. desember miðvikudagur:Hugtök og miðlun sögu (Hemmi), Stærðfr.greining IIIB (Brynjar)
14. desember fimmtudagur: Lífræn efnafræði (Stína)
15. desember föstudagur: Algebra I (Kári), Efnafræði (Brynjar)
16. desember laugardagur: Ísland og nýlendustefnan (Hemmi) , Algebra og hnitarúmfræði (Kári)
17. desember sunnudagur:
18. desember mánudagur: Aflfræði (Brynjar)
19. desember þriðjudagur: Lífefnafræði I (Anna María og Stína), Örtölvu og mælitækni (Brynjar)
20. desember miðvikudagur: Veirufræði (Anna María)
21. desember fimmtudagur: Erfðafræði (Anna María og Stína), Inngangur að hagnýttri stærðfræði (Kári), Almenn lögfræði og ágrip af réttarsögu (Eva Margrét)

.....og svo strika yfir þegar dagar klárast!!

Kveðja Anna María

Heyrðu, ég ákvað bara að búa til nýja færslu á þetta. Þeir sem vilja koma á sýninguna hringi í mig, tali við mig eða setji athugasemd við þessa færslu. Helzt fyrir klukkan sjö í kvöld. Þá skal ég taka frá miða. Ef samband verður haft við mig síðar reyni ég auðvitað mitt bezta en lofa engu.

Já, þá er maður aftur kominn í 200% starf. Aftur er ég orðinn aðalleikari í söngleik. Það sem er núna öðruvísi er að ég er aðalleikarinn í vinsælum söngleik.

Ekki veit ég hvernig fólk fékk þessa anorexíusjúklinga til að sitja fyrir á mynd og af hverju myndin er á auglýsingu fyrir þennan líka fína söngleik. Ég get vottað það að enginn á myndinni kemur nálægt söngleiknum, ekki það að fólk með átröskun geti ekki gert neitt, svona er þetta bara.

Já, alla vegana, ef þið viljið sjá mig leika og jafnvel leika eitthvað á trommur líka og eruð laus þetta kvöld þá skuluð þið endilega láta sjá ykkur. Ekki vera viss um að það seljist ekki upp. Páll Óskar ætlar nefnilega aftur og það er aldrei að vita nema hann taki skrúðgöngu með sér. Ef þið viljið frekari vitnana við, spyrjið Brynjar hvernig honum fannst. Áfram Páll og Brynjar!

Takk